Sjóferðir - Bátaáætlun 2022

Sjóferðir ehf.  eru nú reknar af Stígi og sambýliskona hans Hennýju Þrastardóttur, en Stígur hefur unnið hjá Hafsteini og Kiddý sl. 16 ár. Því hefur reynslan haldist hjá fyrirtækinu þótt ungt og nýtt fólk hafi tekið við stjórnartaumunum.  Fyrirtækið hefur ferjað farþega til Hornstranda frá árinu 1993 og er öflugt fyrirtæki sem býður sætaferðir með gæða farþegabátum. 

Báðir bátar Sjóferða eru gæðaeintök sem búnir eru tveimur vélum til að tryggja öryggi farþega enn frekar. Sjóferðir státa af því að hafa ávallt öll leyfi og tryggingar í lagi ásamt því að hafa verið vel rekið og verðlaunað sem Fyrirmyndarfyrirtæki af Credit Info. 

Bátarnir eru tveir og heitir sá minni Ingólfur og tekur 30 manns og stærri er Guðrún sem tekur allt að 48 manns. Ferðirnar hefjast á Ísafirði þar sem hægt er að stíga beint um borð, en notast þarf við tuðrubáta til að ferja fólk og farangur í og úr landi innan friðlandsins.

Hér fyrir neðan er að finna áætlun fyrirtækisins fyrir Hornstrandir sumarið 2022 og hægt að bóka hér beint á vefnum.

Þær undantekningar frá áætlun sem gera þarf í sumar er að sjá í bókunarkerfinu.

Áætlun hefst 1. júní 2022 og síðasta ferð farin 31. ágúst. 

Athugið að miðvikudags og föstudagsferðir til Aðalvíkur eru bara í boði í júlí 2022.

Til að bóka hafið samband í síma 456-5111 eða sendið okkur póst á vesturferdir@vesturferdir.is

Hægt er að fá sérverði fyrir hópa og við getum bætt við stoppum á Sléttu, Flæðareyri og Lónafirði ef um það er beðið.