Sigling um Ísafjarðardjúp

Við bjóðum einstakt tækifæri til að upplifa rómaða fegurð Ísafjarðardjúps á sjó. Djúpið er löngu þekkt fyrir mikla náttúrufegurð og fjölbreytt dýralíf. Lundi, kría og æðarfugl verpa í tugþúsundatali í eyjunum þremur Vigur, Borgarey og Æðey. Mikið er af hval á svæðinu og einnig er algengt að sjá seli á skerjum og steinum þar sem þeir virðast gera lítið annað en að stunda núvitund. Djúpið á sér langa sögu sem við leggjum okkur fram við að deila með ykkur í ferðinni.

Eins og allir vita er íslenska sumarið algjörlega óútreiknanlegt og ekki hægt að treysta því að hvorki rigni eða blási kröftuglega. Þess vegna mælum við með að allir farþegar klæði sig eftir veðri og mæti með húfu, vettlinga og vatns og vind-helda yfirhöfn ef þess er þörf.